فرصه وفاتتك

سورى يا جماعة اتأخرت عليكم اوى بس بجد كنا مشغولين جداااا عشان التحضير ليوم العطاء

الحمد الله يوم الجمعة الموافق 30 اكتوبر 2009 كان يوم العطاء وكان فى النادى الاجتماعى من الساعة 8 صباحا لحد 7 مساءا

وبصراحة ده بيبقى من احلى واجمد الأيام اللى ممكن تعيشها فى حياتك والأنشطة اللى هتكون موجودة اليوم ده هى : -

1- يوم اليتيم : واحنا هنا بنجيب الاطفال من جميع دور الأيتام وبنلعب ونضحك معاهم وكمان بنوزع عليهم هدايا قيمة

2- قافلة طبية : وهى بتشمل الكشف والعلاج مجانا

3- حملات التبرع بالدم : أى حد عايز يتبرع بالدم ونفسه ياخد ثواب يجى يوم العطاء ويتبرع معانا

4- معرض ملابس مستعملة : والملابس هنا بتكون بأسعار رمزية

5- معرض الورشة الفنية : وبنعرض فيها منتجات احنا اللى عاملينها بإيدينا ( اكسسوارات وعلب مناديل وبوكيهات ورد .....

ومن الافكار الجديدة فى يوم العطاء


6- معرض الأسر المنتجة : وده هيكون لعرض منتجات المشروعات الصغيرة للأسر

7- توزيع اجهزة كهربائية : وهتكون جديدة ومستعملة وهنوزعها على أسر الجمعية الفقيرة اللى فى أشد الحاجة ليها

8- تجهيز عرائس : هنجهز العرائس بجميع متطلباتهم

9 -توزيع شنط غذائية : هتشمل ارز ومكرونة وسكر وشاى وزيت وسمن ...........

10- حملة توعية عن انفلونزا الخنازير :
وهنعرض فيها اعراض المرض واهم اساليب الوقاية منه وطبعا ده شئ مش جديد لأن العالم كله اتكلم عن الموضوع ده لكن الجديد اننا عاملين حملة التوعية ديه مخصوص عشان الناس البسيطة لأنهم هما اكتر ناس محتاجين التوعية ديه

11- حفل خيرى : وده هيكون فى اخر اليوم وده لتكريم الناس اللى قاموا بمساعدة الجمعية من قبل وده هيكون بحضور نخبة من اهم الشخصيات بمدينة العاشر من رمضان ومحافظة الشرقية

كان نفسنا تكون معانا فى اليوم ده ، وانت بتحب الاطفال ونفسك تلعب معاهم بجد الاطفال دول زى العسل هتنسى الدنيا وانت معاهم ، نفسك تشاركنا فى أى نشاط اتصل على ارقامنا الموجود على الصفحة الرئيسية

_________________

رساله

قلب ينبض بالعطاء

شارك شباب الخير

بمالك & بوقتك & اوبما تستطيع
admin